إمبارح كان البيت عندنا مقلوب.

إمبارح كان البيت عندنا مقلوب.. عماد أخويا بيطلق مراته.. ليه يا جماعة فيه إيه.. أمي ومرات عماد مټخانقين كالعادة.. والچنازة حارة والمېت كلب.. ليه حصل إيه لكل ده.. أمي راحت تشوي السمك في السوق ومرات عماد حبت تقلي سمك عشان مش كلنا بنحبه مشوي.. فقامت قلت السمك في زيت البطاطس بتاع ماما.. ونست تقول

لماما إنها قلت في زيت البطاطس..تقوم ماما وهي بتعمل العشا تقلي بتنجان وبطاطس في نفس الزيت ويبقي كله زفارة وتقوم خناقة خلاصتها ليه تقلي السمك في كل الزيت ده..ومرات أخويا تقولها حتى لو أنا غلطانة ازاي طيب يعني ما شمتيش ريحة الزيت وانتي بتقلي يا طنط

أمي تقولها بوظتي الزيت والبطاطس والبتنجان والفلفل اللي اتقلوا..وقالت لها وانتي يهمك إيه.. قط البندر متغندر..
فازاي وازاي بقى أمي تقول لمرات أخويا كدا فسابت البيت بسبب كلام ماما..ندور على أخويا.. لقيناه مروق دماغه وقاعد على القهوة..نزلتله اقوله امك ومراتك هيمو,توا بعض.. قال ياخي ما تكبرش المواضيع دي ديتها ازازة زيت وقعد

يضحك..رجع البيت لقى مراته سايبه البيت وڠضب,انة وسايبه العيال..قمت مبتسم ابتسامة خ,بيثة في نفسي وافتكرت فولتير لما قال :
لقد قلت في نفسي آلاف المرات أنني سأصير سعيدا لو كنت ببلاهة جارتي ومع ذلك فإنني لا أريد سعادة كتلك..
قلت الحمدلله إنها مش حياتي..عماد قالي هروح أجيب مراتي قلتله جاي معاك ليعملوا فيك حاجة.. فقعد يضحك واقوله بتضحك على إيه يقولي عليك يا أحمد..أقوله فان خوج كان بيقول :مالذي يصنعه العقل بنا إنه يفقد الأشياء بهجتها ويقودنا نحو الكآبة..قالي مين فان جوخ ده.. قلتله ده رسام وفيلسوف بس اڼتحر.. قالي ونعم العقل فعلا..ورحنا بيت أهل مراته.. دخل قعد يقولها ازاي تسيبي شقتك احنا اللي غلطانين وأمي تيجي تعتذرلك.. فحماته وحماه يقولوا ما حصلش حاجة يقولهم أبدا أمي تيجي تعتذر وقام واخدني وقام..أقوله يا عماد أمك لو حصل إيه مش هتروحلها دي بوظتلها الزيت.. قطة أمك جمل انت عارف

قام رايح لأمي وقالها معاكي رقم عم (م ش) المأذون انا هطلقها لو ما رجعتش البيت النهاردة.. فأمي بأداء سينمائي

خبطت على صدرها وقالتله تطلق ليه.. ده ماحدش عملها في العيلة.. ده أهل أبوك هيشمتوا فينا.. وقالها هنزل أكلمه دلوقتي ولو ما رجعتش بكره تتطلق وقام مزعق وساب البيت.. وقالها أنا كلمت عمتي قالتلي أطلقها.. فأمي قالتله تكلم عمتك وهي هيجي منها خير دي تلاقيها اللي وزتك عشان تجوزك بنتها انا عارفها..ولقيت أمي قالتلي إيه اللي حصل هناك قلتلها ما حصلش احنا روحنا دقايق لقيته نزل وجايلك أهو وبيقول هيطلق لو ما رجعتش البيت النهاردة..قالتلي هي عمتك اللي وزته ..
وقامت لابسة ووخداني وراحت لمرات عماد.. عيب يا بنتي تسيبي بيتك وحقك عليا وبتاع.. ما عندناش بنات تبات برا بيتها..
والحوار اتقلب لو هتقلي السمك حطي بعده بصلة عشان تشد الريحة.. وطيبت خاطرها وخدتها البيت تروح..وقامت قالتلي قول لأخوك مراته في البيت مش ناقصين فضا,يح شوفه فين ما بيردش عليا..رحت لقيته قاعد على القهوة بيلعب طاولة مع ناس صحابه.. بيقولي أمك راحتلها.. قلتله اه و جابتها.. وأمك قاعدة تدعيلك وخا,يفة تعمل في مراتك حاجة ومراتك قاعدة تكلم

اختها فوق وتلاقيها بتقولها خلتها تيجي غ,صب عنها..

قالي ماشي تمام اتعلموها بقى.. بأداء عبدالرحمن أبو زهرة مع عبدالغفور البرعي قلتله أنا بدأت أفهم.. واذا الانسان فهم يزول السحر زي ما القمر في السما كان إلهام الشعراء ولما عرفنا انه جسم معتم وكتلة صخرية زال الانبهار..فصحابه قالوله مين ده؟ماحلو ده يا عماد هاته ياخي معاك كل يوم..لقيت عماد بيقولي ياحمد ياخويا.. أمك ومراتك زي المية السخنة والباردة وانت عايز تاخد دش بعد يوم طويل.. لو اخدته بالسخنة المولعة جسمك يتحرق ولو اخدته بالبرد هتفضل بتكتك..قلتله والحل يا عمدة..قالي تظبط خلاط المية شويا من هنا على شويا من هنا..فبقوله ما أروق دماغي وبلاها جواز..قالي هتروق دماغك آه بس اللي مش بيستحمى ريحته الناس هتشمها.. وشوف انت بقى الناس بتشم إيه..

فواحد صاحبه قاله وهو أخوك لسه ما استحماش لحد دلوقتي..فعماد قاله بنقنعه ومش عارفين..قاله ما طبيعي طول ماهو لسه ما استحماش يشوف القمر كتلة صخرية.. انت مع أول دش ساقع هتشوف النجوم في عز الظهر