واحد أعرفه أخته إتطلـ,,ـقت
واحد أعرفه أخته إتطلـ,,ـقت، فجدد شــ..ـــقة أبوه وأمه من سباكة لسراميك لنقاشة واشترى عفش جديد، وقالها إسكني إنتي وأولادك يا حبيبتي، وأقسم على نفسه يتكفَّل بمصاريفها ومصاريف أولادها أفضل مما كان بيعمل معاهم أبوهم!
وبسم اللّٰه ما شاء اللّٰه عليه فضل أكتر من خمس سنين حديث الناس كلها في الرجوله والجدعنه والأخلاق والأصول لدرجة إني في مرة شديت مع أختي فقارنتني بيه، ومرة مراتي شدت مع أخوها فقارنته بيه برضوا!
كنت بغـ,,ـير منه واللّٰهِ.. اللي هو حـ,,ـرام عليك يا جدع، تشتغل شغلانتين عشان تصرف على عيال مش عيالك في حين إن أبوهم عايش ويمكن معاه أكتر منك!!
كان مستفز أوي لحد ما سمعت بالصدفة إنه بيطلـ,,ـق مراته!
فإبتسمت ما بيني وما بين نفسي بشماته كده وقلت أيوا بقى، ما هو إنت أكيد فيك عـ,,ـيب زي كل الرجاله يعني!
وغـ,,ـصبٍ عني واللّٰه شغلت د,ماغي بحوار طـ,,ـلاقه ده أوي، وكنت همـ,,ـوت وأعرف ليه؟!
وفي مرة إتلاقيت مع زميل ليا عارف أخبار السـ,,ـاقطة والوالدة والجديد من الكلام على الناس كله معاه، فسألته ألَّا متعرفش أخوك عبوده عاوز يطلـ,,ـق مراته ليه؟!
ضحك وقالي عشان راجل.
المعلمة بتقوله كفاية عليك أختك، وأولادها أبوهم أولى بيهم!
فقالها الخال والد لو الوالد معندوش مبدأ، فأنا أبوهم وهي أختي، وصية أبويا وأمي الوحيدة قبل ما يمـ..ـوتوا، فمش كـ,,ـفاية عليا هي وأولادها وأي حد تحبه كمان..
فزعـ,,ـقت معاه وكلمة من هنا على كلمة من هنا، قالها لو بتحُطي حاجة من جيب أبوكي في البيت إمنعيها ولو مقصر معاكي في حاجة قوليها، غير كده حاولي تبقي داعمة مش مُحـ..ـطمة لإني متجوزك عشان تعينيني على فعل الخير مش تمنـ,,ـعيني عنه!
فقالتله أيوا أنا الشيـ,,ـطانية وإذا كان عجبك، وإنت عارف بقى الستات لما بتبقى متعـ,,ـصبة بتقول إيه!
فقالها على بيت أبوكي لحد ما ترجعي عن اللي في عقلك، وإذا مرجعتيش إعتبري نفسك طالـ,,ـق من دلوقتي، وكان ناوي يطلـ,,ـقها فعلاً واللّٰهِ، لكن أبوها راجل إبن أصول برضوا..
سابهُم لحد ما هديوا من ناحية بعض خالـ,,ـص، ورن عليه قاله تعالى عشان عاوزك، وبمجرد ما جه.. قعَّدوا معاها، فحنوا لبعض ولا كأن حاجة حصلت، ورجعت البيت أول إمبارح!
قولتله قالوا لبعض إيه يعني؟
قالي أكيد معرفش يعني، لكن أنا سمعت إنُّه بيعمل مع أخته كل ده عشان ميديش فرصة للشيـ,,ـطان إنُّه يزعزع فكرة حفاظها على نفسها، عاوزها تفضل قوية ومتضعفش أبدًا لكلام أي راجل عشان متحطش وشه الأرض في يوم من الأيام لإنُّه مقدرش يعوضها عن اللي كانت متجوزاه، وعشان كده ديمًا بقول عليه وبالفُم المليان راجل
